Kintampo waterfalls
| Country | Ghana  |
|---|---|
| Edey de administrative territorial entity insyd | Kintampo, Kintampo North Municipal District |
| Ein location | Kintampo |
| Coordinate location | 8°5′23″N 1°41′51″W |
Kintampo waterfalls be one of Ghana ein highest waterfalls wey dey Bono East insyd. Na dem formerly bell am Sanders Falls for colonial days tym.[1] Edey de Pumpum river top, sam tributary of de Black Volta, about 4 kilometres (2.5 mi) north of de Kintampo municipality, for de Kumasi–Tamale road top. Ebe just afta de Falls Rest Stop if you dey move Northwards, for de right side of de road top. Dis waterfall be hidden for de forest insyd wey edey plus three main drops, wey get de longest measuring 25 metres (82 ft), den sam number of steps den cascades, den de river, wey dey fall about 70 metres (230 ft).[2][3][4][5][6]
Ein History
[edit | edit source]Dem designate de waterfalls as tourist site for 1992 insyd, afta say dem discover am for de 18th century insyd.[1]
Ein Incidents
[edit | edit source]For 20 March 2017 insyd, dem kill 28 people wey odas hurt afta say sam large tree fall for dema top for de waterfalls der, secof sam storm.[7] Reportedly, de police declare say dem rescue 22 persons.[8] Afta de incident, de Ghanaian Ministry of Tourism, Arts and Culture close de falls, so say dem go undertake sam security den safety assessment, as well as reconstruction.[9] Before dem reopen give de public for 2019 insyd wey dem construct sam canopy walkway.[10]
Ein Description
[edit | edit source]De water dey flow from de Pumpum River, sam tributary of de Black Volta wey dey take ein source from Pumpumatifi. De falls get three stages. You go fi reach de initial two stages easily secof de way be levelled. De third stage get about 173 stairs down den about 151 stairs up. De water dey flow from sam distance of about 25 metres.[1]
Ein Facilities
[edit | edit source]De waterfalls currently get car park, stairs, receptive center den sam canopy walkway.[1]
Ein Gallery
[edit | edit source]-
Main drop (front view) -
Main drop (lateral view) -
Staircase wey dey lead go de waterfall
References
[edit | edit source]- ↑ 1.0 1.1 1.2 1.3 "Kintampo Waterfalls". Graphic Online. Retrieved 2022-05-22.
- ↑ "Kintampo Waterfall". ghana.photographers-resource.com.
- ↑ "Kintampo Waterfalls". Ghana Tourism Authority. Archived from the original on 2012-06-17.
- ↑ "Kintampo Waterfalls". Wildlife and Nature Reserves. ghanaexpeditions.com. Archived from the original on 2016-08-25. Retrieved 2012-10-30.
- ↑ "tourism attractions". about this district. Kintampo North Municipal Assembly.
- ↑ WhiteOrange. "Brong Ahafo". Ghana Tourism Authority. Archived from the original on 2020-12-06. Retrieved 2020-01-31.
- ↑ "Ghana waterfall: Many dead in Kintampo freak tree accident". BBC News. 20 March 2017. Retrieved 21 March 2017.
- ↑ "Falling tree kills at least 18 at Ghana waterfall". Reuters. 20 March 2017. Archived from the original on 20 March 2017. Retrieved 21 March 2017.
- ↑ "Kintampo waterfalls closed down indefinitely | Ghana News". citifmonline.com. Archived from the original on 2017-03-21.
- ↑ Tosogha (2020-01-22). "Refurbished Kintampo Waterfalls see surge in tourist visits …over 23,000 people visited the site in 2019". Tourism Society of Ghana. Retrieved 2021-01-22.
External links
[edit | edit source]- Media wey relate to Kintampo Waterfalls at Wikimedia Commons