Bono East Region
| Continent | Africa  |
|---|---|
| Country | Ghana |
| Capital | Techiman |
| Dem locate for de administrative territorial entity insyd | Ghana |
| Location | Ghana |
| Coordinate location | 7°45′0″N 1°3′0″W |
| Dey share bother plus | Savannah Region, Ashanti Region, Bono Region, Oti Region, Eastern Region (Ghana) |
.png)
De Bono East region of Ghana be fresh region wey dem carve out from de den Brong Ahafo region. De capital for dis fresh region be Techiman.[1][2] Dis creation for dis new region be in fulfillment for promise wey de New Patriotic Party ein presidential candidate prior make to de 2016 Ghana general elections. As he cam win de elections, de President, Nana Akuffo Addo create de Ministry of Regional Reorganization say e for oversee policy formulation den implementation. For all six new regions wey dem creat from de existing ten regions for Ghana. De oda regions be Bono, Western North, Ahafo, Savannah, North East, den Oti regions.[3]
De execution of plans for de creation for de regions be seed go de newly created Ministry of Regional Reorganization and Development[4] wey ebe under Hon. Dan Botwe ein leadership. Ebe Govament for Ghana ein ministry wey dem charge am plus de responsibility make he supervise de creation for fresh regions for Ghana insyd.[4] Insyd March 2017, de ministry wey send de blue print for de creation for de region along plus odas for de Council of State. De council meet ova 36 times from de tym for submission for August 2017 insyd.[5] De final stage for de creation for de region dem decide thru referendum by de menners wey dey within dema catchment for de new region for 27 December 2018.[6][7]
History[edit | edit source]
Dem do referendum for 27 December 2018[8] wey result about 450,812 cast dema votes wey dey rep 85.82 per cent of 525,275 voters wey register. 448,545 (99.50 per cent); wey dem vote in favour give creation for fresh region plus 1,384 (0.31 per cent) wey vote against. Total of 883 (0.20 per cent) ballots wey dem reject.[9][10][11]
Geography den climate[edit | edit source]
Location den size[edit | edit source]
De Bono East Region dey border for ein north de Savannah Region, wey for ein west de Bono Region, for ein south be Ashanti region den for ein east be Volta Lake.[12]
Climate[edit | edit source]
De Bono East region be part for de vegetative belt for Ghana, wey de climatic condition be always conducive. De vegetation dey consist predominantly for de forest den fertile soils. Between December den April be de dry season for de region. Sometyms de wet season be between about July den November plus average annual rainfall for 750 to 1050 mm (30 to 40 inches). De highest temperatures wey dey reach for de end for de dry season, de lowest for December den January insyd. However, de hot Harmattan wind wey dey comot from de Sahara dey blow frequently between December den for February ein beginning wey be dry den hot. De temperatures wey dey de region fi vary between 14 °C (59 °F) for night den 40 °C (104 °F) during de day.
Vegetation den agriculture[edit | edit source]
De production for yam be very high for de woodland Savannah zone insyd Techiman, Yeji, Nkoranza, Kintampo, Kwame Danso, Prang den odas. Beans, maize, cassava, cocoyam, rice, plantains den more be produce for de region, as well as fishing activities wey dey take place along de region ein side for Lake Volta.[13]
Tourism den park[edit | edit source]
Chaw tourist sites dey for dis region insyd:
- Boabeng Fiema Monkey Sanctuary[14]
- Buoyem Caves den bats colony, wey dey within de locality for Buoyem insyd Techiman municipality for dry semi-deciduous forest, wey dey house large colony of rosetta fruit bats, caves, sandstone rocks den waterfalls.[15]
- Kintampo waterfall[16]
- Slavery trade for Bono East region insyd. Located for Bono Manso wey dey Techiman–Kintampo road, Bono Manso be de point wey slaves from de north dem graded den sorted dem up. De strongest for captives insyd, dem select den sent for de coast wey leave de weaker ones for town insyd. To date, African Americans den other African people for de Diaspora wey dem visit de area to learn about dema origin den history.
- Kristo Boase Monastery be home give small community for eleven Benedictine monks. De monastery be a place for great beauty den historic interest wey every year dey welcomes visitors from around de world.[17]
- Tano River Sacred Fish dey for Tanoso wey dey close to Techiman, edey houses a pool of sacred fishes wey dem jealously protected dem by de community. Visitors always go catch glimpse for dese sacred fishes, as dem usually say sey dem gey golden crowns.
- Nchiraa waterfalls, dey offer tourist a hiking adventure for de rocky den challenging footpath dat leads to for de waterfall. De existence for other natural den cultural tourism dey attract within 10 km radius wey dey make de tour package exhilarating. Edey include de Wurobo Ancestral Cave wey dey about 8 km from de Nchiraa settlement. Dem dey talk say de cave be de original dwelling place for de people of Nchiraa
- Forikrom Boten Caves den shrines, dey about eight kilometers off de Techiman–Nkoranza road top, ebe a unique range of giant rocks wey forms a haven like sort give shrine den caves. Dem dey believe say dat de Magic cave wey dem san known am as de biggest cave wey ebe refuge give women den children for dose tyms for war insyd Bonoland.
- Tanoboase Sacred Grove den Shrine dey for Techiman municipality. Dem dey believe say dat grove be de cradle for de Bono civilization. De grove serve as a hideout give de Bono people during de slave trade den inter-tribal wars many, many years ago. Esan dey serves as a place for recreation den religious activities.
- Digya National Park
- Fuller falls, edey fall gently from de east over a series for cascades along de Oyoko river for Yabraso lyk about 7 km west of Kintampo town. Edey flows go insyd de Black volta for Dwire Kumbo.[18]
Demographics den cultural life[edit | edit source]
De Bono East region get low population density, den most of ein inhabitants dey speak de Bono dialect. Bono ancestral worship den spirituality plus Christianity den Muslim be de dominant religions for de region.
Festive celebrations[edit | edit source]
- Apoo festival
- Kurubi festival, dem dey celebrate dis festival by de people wey dey Kintampo for November insyd den mainly to unite all Wangara descent for Ghana insyd. Virgins normally dey dance for stilts top wey be interesting part for de festival.
- Nkyifie, de people for Prang dey celebrate dis festival for either September or October insyd.
Administrative divisions[edit | edit source]
De political administration for de region be thru de local government system. Under dis administration system, dem divide region into 11 MMDA's (wey dey make up of 0 Metropolitan, 4 Municipal den 7 District Assemblies). Each District, Municipal or Metropolitan Assembly, be administer by Chief Executive, wey dey rep de central government but dem dey derive dema authority from de Assembly wey presiding member dey head am as dem dey elect from among de members for dema body. De current list be as follows:
| # | MMDA Name | Capital | MMDA Type | Member of Parliament | Party |
|---|---|---|---|---|---|
| 1 | Atebubu-Amanten | Atebubu | Municipal | Sanja Nanja | NDC |
| 2 | Kintampo North | Kintampo | Municipal | Joseph Kwame Kuma | NDC |
| 3 | Kintampo South | Jema | Ordinary | Alexander Gyan | NPP |
| 4 | Nkoranza North | Busunya | Ordinary | Joseph Kwasi Mensah | NDC |
| 5 | Nkoranza South | Nkoranza | Municipal | Emmanuel Kwadwo Agyekum | NDC |
| 6 | Pru East | Yeji | Ordinary | Kwabena Donkor | NDC |
| 7 | Pru West | Prang | Ordinary | Stephen Jawulah | NPP |
| 8 | Sene East | Kajaji | Ordinary | Dominic Napare | NDC |
| 9 | Sene West | Kwame Danso | Ordinary | Kwame Twumasi Ampofo | NDC |
| 10 | Techiman | Techiman | Municipal | Martin Kwaku Adjei-Mensah Korsah | NPP |
| 11 | Techiman North | Tuobodom | Ordinary | Elizabeth Ofosu-Adjare | NDC |
References[edit | edit source]
- ↑ "Techiman declared capital of Bono East Region". Citinewsroom - Comprehensive News in Ghana. 13 February 2019. Retrieved 21 January 2024.
- ↑ "Techiman is regional capital for new Bono East region - MyJoyOnline". www.myjoyonline.com. 13 February 2019. Retrieved 21 January 2024.
- ↑ Bureau, Communications. ""Creation Of 6 New Regions in the Hands Of EC & Ghanaians" – President Akufo-Addo". Presidency Of Ghana. Retrieved 21 December 2018.
- ↑ 4.0 4.1 "2nd Ministerial list out: Akufo-Addo creates new ministries, re-aligns old". MyJoyonline. Archived from the original on 31 July 2017. Retrieved 22 June 2017.
- ↑ "Council of State met 36 times on new Regions – Nana Otuo Siriboe II". GhanaCrusader – Latest News in Ghana and Beyond. 16 August 2017. Archived from the original on 12 December 2017. Retrieved 12 December 2017.
- ↑ ""Creation Of New Region in Your Hands" – President Akufo-Addo To Nayiri – The Presidency, Republic of Ghana". Presidency Of Ghana. Archived from the original on 11 December 2017. Retrieved 12 December 2017.
- ↑ "EC sets December 27 for referendum on new regions | xxxxxxxxxxx 23 August 2018". GhanaWeb. Archived from the original on 21 December 2018. Retrieved 21 December 2018.
- ↑ "Referendum: Massive YES votes for 6 new regions | General News 28 December 2018". GhanaWeb. 28 December 2018. Retrieved 2 January 2019.
- ↑ "All six proposed regions meet constitutional threshold requirements – EC". Ghana Business News. 29 December 2018.
- ↑ Zurek, Kweku. "CONFIRMED: Results of the 2018 Referendum on new regions". Graphic Online. Retrieved 2 January 2019.
- ↑ "Referendum: 6 new regions get massive 'YES' votes". Pulse Ghana. 28 December 2018. Retrieved 2 January 2019.
- ↑ GNA (15 February 2022). "Bono East GIS repatriates 358 irregular migrants". Ghana News Agency. Retrieved 21 January 2024.
- ↑ GNA (29 October 2022). "PfFJs improves food security and agriculture growth — Bono East Agric. Director". Ghana News Agency. Retrieved 21 January 2024.
- ↑ "About Us". boabengfms.org. Retrieved 21 January 2024.
- ↑ "Visit Ghana - Buoyem Caves and Sacred Grove". Visit Ghana. Retrieved 21 January 2024.
- ↑ "Visit Ghana - Kintampo Waterfalls". Visit Ghana. Retrieved 21 January 2024.
- ↑ "Contact | Kristo Buase Monastery". www.kristobuasemonastery.org. Retrieved 21 January 2024.
- ↑ "Visit Ghana - Bono East Region". Visit Ghana. Retrieved 21 January 2024.
- ↑ Brong-Ahafo Region. Geohive