Jump to content

Kwabena Frimpong-Boateng

From Wikipedia
Kwabena Frimpong-Boateng
human
Ein sex anaa gendermale Edit
Country wey e be citizenGhana Edit
Name in native languageKwabena Frimpong-Boateng Edit
Name wey dem give amKwabena Edit
Family nameBoateng, Frimpong Edit
Ein date of birth1949 Edit
Place dem born amGhana Edit
Languages edey speak, rep anaa signEnglish Edit
Ein occupationsurgeon Edit
Field for worksurgeon Edit
EmployerUniversity of Ghana, Korle Bu Teaching Hospital Edit
Position eholdchief executive officer, surgeon, Minister of Environment, Science, Technology and Innovation Edit
Educate forUniversity of Ghana, Sekondi College Edit
Academic degreeDoctor of Medicine Edit
Work locationAccra Edit
Political party ein memberNew Patriotic Party Edit
Member ofUniversity of Ghana Medical School Edit
Award e receiveFellow of the Ghana Academy of Arts and Sciences Edit

Kwabena Frimpong-Boateng FGA (born 1949) be Ghanaian physician den cardiothoracic surgeon wey establish de National Cardiothoracic Center for Accra insyd,[1] Ghana, plus de Ghana Red Cross Society. He san be de presido for de Ghana Heart Foundation wey he na be de chief executive officer of Korle-Bu Teaching Hospital for Accra.[2]

As he be somebody wey dem hype for de country insyd paa, dem elect Frimpong-Boateng as a Fellow of de Ghana Academy of Arts and Sciences for December 2002 insyd.[3]

Career

[edit | edit source]

Frimpong-Boateng attend Sekondi College for Ghana insyd. De young Frimpong-Boateng mow physics den mathematics secof na ein mind all be say he dey wan turn engineer. Buh later he change ein mind say he go turn doctor as dem give am scholarship say make he go mow medicine for Germany. Ein poppie Kofi Frimpong die from heart injuries secof road traffic accident before dem born am[4] so he do ein mind say he go help other squad wey dey similar situations insyd. After he fini ein post-graduate studies, he return go ein birthplace make he practice as Ghana ein first locally based cardiothoracic surgeon. He serve as de Minister of Environment, Science, Technology den Innovation from 2017 go 2021.

For 1992 insyd, he set up de National Cardiothoracic Centre for Korle-Bu Teaching Hospital.[5] Na no cardiothoracic surgery facilities dey for de country insyd for dat tym, so he aim say de centre go teach young surgeons den assist fresh patients. For Ghana insyd, primary health care issues lyk malaria den limited childhood vaccinations be greatly underserved secof lack of infrastructure, lack of funding, transportation, den quality den safety, wey dey make skilled specialty care luxury often those dem be rich per go fi leave de country go attain am.

He join de University of Ghana Medical School as lecturer for 2000 insyd wey secof ein hard work dem promote am associate professor de same year. Dem make am professor for 2002 insyd.[6] He san so serve as de head of de department of surgery for de University of Ghana Medical School, prior to ein appointment as de chief executive for Korle-Bu Teaching Hospital for 2002 insyd.[4] Dem elect am go de Ghana Academy of Arts and Sciences for December 2002 insyd wey he give ein inaugural lecture de year wey dey follow.[7] Frimpong-Boateng sanso dey run charitable foundation, de Ghana Heart Foundation, wey be responsible dem dey pay give heart surgery give sam indigent Ghanaians wey dey under ein care plus support from ein donors.

Politics

[edit | edit source]

For March 2006 insyd, Frimpong-Boateng announce ein intention make he seek de candidate of de New Patriotic Party (NPP) give de December 2008 National Presidential Elections.[8][9] Dem make documentaries about ein life den ein hopes, but for de end, na de candidate dem elect be Nana Akufo-Addo.

Regardless of ein results, he declare he still dey concern plus political issues in relation go education den health problems.[10] He later go regret say political corruption for Ghana insyd be too much wey he say dat for ein opinion politicians no dey take social priorities go account, especially de need of technology.[11] After de 2016 election an dem appoint am as de Minister give Environment and Natural Resources from de year 2017 go 2021.

Current involvements

[edit | edit source]

Frimpong-Boateng speak for de World Summit Awards Grand Jury dem hold for Accra, Ghana insyd from 3 November 2018 go 7 November 2018. He mention ein confidence insyd digital transformation give growth for de country insyd.[12]

Achievements

[edit | edit source]
  • 1992 – He establish de National Cardio Thoracic Centre wey now nu de West African College of Surgeons recognise am make e train heart surgeons, cardiologists, cardiac anaesthetists, operating room nurses, intensive care nurses, cardiac technicians, den oda cardiothoracic technicians.(1992)[13]
  • He perform de first open-heart surgery for Ghana insyd wey he use de heart-lung-machine.
  • He establish de Ghana Heart Foundation make e raise funds assist those wey no fi afford de cost of heart surgery.
  • 1999 – Chartered Institute of Marketing, Ghana (CIMG) Marketing Man of de Year[6]
  • 10 September 2004 – Honorary Doctor of Science degree from de University of Education, Winneba.[6][14]

Awards

[edit | edit source]
  • Certificate of appreciation from Orphanage International Ministry secof ein humanitarian service to Cardio Centre at Korle-Bu Teaching Hospital den to society for Ghana insyd at large especially orphan children 27 July 2002.[15]
  • Recognition award from Soviet (CIS) trained doctors association secof ein devoted den meritorious service to Ghana, 5 December 2001.[15]
  • Certificate of Distinction from Sapphire Ghana Ltd. Secof ein outstanding contribution to National Development, August 1999.[15]
  • Award from Enterprise Insurance Company, Ghana secof ein efforts, achievements, perseverance den success, 1999.
  • Millennium Excellence Award Recipient as personality of de decade, December 1999.
  • Chartered Institute of Marketing, Ghana, Marketing Man of de Year 1999.
  • Co-recipient of de 2003 special award from de Ghana Chartered Institute of Marketing to de Centre for Technology-Driven Economic Development (CTED).
  • Recognition award from de civil service of Ghana for meritorious services he render to de Ghana Civil Service den de people of Ghana, 1998.
  • St Luke's Day award from de Sr. Michael den All Saints Anglican Church Korle Gonno, Accra, Ghana for distinguished service as a medical doctor for de service of de Lord, 1993.
  • Nobles International Award secof ein as eminent West African wey dey believe for Honesty, Integrity den Accountability insyd, 28 November 2003.[15]
  • UN Volunteers Certificate of appreciation secof ein voluntary contribution to national development, International Voluntary Day, 5 December 2005.
  • Asante of Honour Award Otumfuo Asantehene, dey present am, 25 November 2005.[15]
  • Personality of de year award 2004, by de People of de Western Region for Ghana secof ein outstanding contribution towards de Development den promotion of Ghana, Sept 2005.
  • Personality of de Decade, de Millennium Excellence Foundation 2005 award am.[15]
  • Legend of de Year, dem award for de 2017 People's Choice Practitioners Honours, Media Men Ghana organise am[16]

Ein life matter

[edit | edit source]

Frimpong-Boateng den ein wifey, Agnes, get five kiddies, one wey be promising athlete.[17]

Frimpong-Boateng be farmer.[18] He establish de first ostrich farm for Ghana insyd, for de village of Dedukope, wey dey Volta Region for Ghana. He sanso dey grow jatropha wey dem dey extract de oil for de production of bio-diesel. Frimpong-Boateng dey run CNC machine tool centre wey be able make e produce spare parts plus computer precision for de Free Zones enclave wey dey de port city for Tema.

He be Christian. He claim say ein work for de foundation of de National Cardiothoracic Centre be God ein purpose for ein life make he do am wey he dey believe say ein purpose of creation wey he be grateful,[19] wey he declare say Ghana dey hia "God-fearing" man make he lead de country.[20][21] He quote Albert Einstein dey talk say: "I want to know God's thoughts; the rest are details."[22] For 2011 insyd, for ein 60s insyd, he consider ein body man wey he tron plus passion "by God’s grace."[23]

Publications

[edit | edit source]
  • Frimpong-Boateng, Kwabena (2000). Deep down my heart. A history of cardiothoracic surgery in Ghana. Accra: K. Frimpong-Boateng. ISBN 978-9988-0-0398-2. OCLC 50006257.
  • Frimpong-Boateng, Kwabena, Samuel K. Owusu, J. O. M. Pobee (2006), Medicine, Ghana Academy of Arts and Sciences. ISBN 9964969201; 9789964969202
  • Frimpong-Boateng, Kwabena (2015), "Taming a Monster".

References

[edit | edit source]
  1. ↑ "The rise and fall of Prof. Kwabena Frimpong-Boateng". GhanaWeb. 2023-04-28. Retrieved 2023-06-09.
  2. ↑ "Directory". Ghana Red Cross Society. Retrieved 27 March 2007.
  3. ↑ "Membership - Fellows of the GAAS". Official website. Ghana Academy of Arts and Sciences. Archived from the original on 28 September 2007. Retrieved 27 March 2007.
  4. ↑ 4.0 4.1 "Professor Kwabena Frimpong-Boateng". Korle Bu Neuroscience Foundation. Archived from the original on 25 July 2010. Retrieved 27 March 2007.
  5. ↑ "P.V. Obeng 'backs' Frimpong-Boateng". Political Section. PeacePeacefm Online. 23 February 2007. Retrieved 27 March 2007. Mr Obeng recalled how, against all odds, Prof Frimpong-Boateng, who is the current Chief Executive of Korle-Bu Teaching Hospital, persevered to establish and commission a Cardiothoracic Centre in 1992.
  6. ↑ 6.0 6.1 6.2 George Folley Quaye (16 March 2006). "'Run On NPP Ticket' Frimpong-Boateng". HiGhana.com. Archived from the original on 30 September 2011. Retrieved 27 March 2007.
  7. ↑ "Activities - Inaugural Lectures". Official website. Ghana Academy of Arts and Sciences. Archived from the original on 28 September 2007. Retrieved 27 March 2007. In 2003, there were two outstanding Inaugural Lectures: '... and 'The Future of Cardio thoracic Surgery in Ghana' presented by Professor Kwabena Frimpong-Boateng. Both lectures focused on issues of health, life style, and resource development.
  8. ↑ "Race For Kufuor's Successor..." Politics of Thursday, 21 March 2006. Ghana Home Page. 21 March 2006. Retrieved 27 March 2007.
  9. ↑ "Korle Bu CEO receives endorsement from key NPP leaders". Politics of Thursday, 23 March 2006. Ghana Home Page. 23 March 2006. Retrieved 27 March 2007.
  10. ↑ Interview with Errol Barnett: "AFRICAN VOICES: Kwabena Frimpong-Boateng - Founder Of Ghana's only Cardiothoracic Center, part 3" on YouTube, October 2013. CNN Report from "African Voices".
  11. ↑ VibeGhana "Ghana’s corruption is next to oxygen – Frimpong-Boateng!", October 14, 2013. Retrieved 15 January 2014.
  12. ↑ "GCNet Hosts World Summit Awards Innovation Days Meeting". Modern Ghana. 21 November 2018. Retrieved 26 January 2019.
  13. ↑ Abdul Aziz (23 February 2007). "Cardiothoracic Centre Trains 30 Surgeons". TOP STORIES. Graphic Communications Group Limited. Archived from the original on 27 September 2007. Retrieved 27 March 2007. The National Cardiothoracic Centre at the Korle-Bu Teaching Hospital in Accra, has trained 30 cardiothoracic surgeons since its inception in 1992.
  14. ↑ "Professor Kwabena Frimpong-Boateng's Biography". Presidential Campaign website. Kwabena Frimpong-Boateng. Retrieved 27 March 2007.
  15. ↑ 15.0 15.1 15.2 15.3 15.4 15.5 "Kwabena Frimpong-Boateng, Biography". www.ghanaweb.com. Retrieved 2022-08-14.
  16. ↑ "Prof. Frimpong-Boateng, Okyeame Kwame, others honoured at PCP Honours – Citi Showbiz". showbiz.citifmonline.com. Archived from the original on 25 September 2017. Retrieved 19 December 2017.
  17. ↑ "Kwesi Frimpong-Boateng Profile". Official University of Massachusetts Athletics Website. University of Massachusetts. Archived from the original on 12 May 2008. Retrieved 27 March 2007.
  18. ↑ Interview with Errol Barnett: "AFRICAN VOICES: Kwabena Frimpong-Boateng - Founder Of Ghana's only Cardiothoracic Center, part 2" on YouTube, October 2013. CNN Report from "African Voices".
  19. ↑ Kwabena Frimpong-Boateng (2000), "Deep Down My Heart: A History of Cardiothoracic Surgery in Ghana", K. Frimpong-Boateng, p. 111. In his own words: "In the context of my work in Korle-Bu, God's purpose as I understood it, was the establishment of the National Cardiothoracic Centre."
  20. ↑ Ghanaian Chronicle. allAfrica. Ghana: Prof. Kwabena Frimpong Boateng 30 September 2009. Retrieved 15 January 2014.
  21. ↑ Prof. Kwabena Frimpong Boateng. Africa News Service. 1 October 2009. Retrieved 15 January 2014.
  22. ↑ Interview with Errol Barnett: "AFRICAN VOICES: Kwabena Frimpong-Boateng - Founder Of Ghana's only Cardiothoracic Center, part 1" on YouTube, October 2013. CNN Report from "African Voices".
  23. ↑ Daily Guide, "Frimpong-Boateng hits back" (2011). Retrieved January 2014.
[edit | edit source]

Wikimedia Commons get media wey dey relate to Kwabena Frimpong-Boateng.

Dem retrieve am from "https://gpe.wikipedia.org/w/index.php?title=Kwabena_Frimpong-Boateng&oldid=42054"