Occupy Julorbi House
| Country | Ghana  |
|---|---|
| Dem locate for de administrative territorial entity insyd | Greater Accra Region |
| Location | Accra |
| Coordinate location | 5°35′17″N 0°10′57″W |
| Point for tym insyd | September 2023 |
| Start time | 21 September 2023 |
| End time | 23 September 2023 |
Occupy Julorbi House be Ghanaian 3-day protest wey start as sam online protest for de social media platform X wey na dem formerly dey bell am Twitter wey na dem dey use de hashtag #OccupyJulorbiHouse.[1] De #OccupyJulorBiHouse hashtag be sam play for Occupy den Jubilee House top wey be Ghana ein seat of government.[2] Julor Bi be Ga word language give menners wey dey Accra, Ghana ein capital phrase wey dey mean "Thief ein kiddie - Child of a Thief", sam loose reference give de ruling government, wey New Patriotic Party dey lead. Menners dey believe say dem negligently drive de country go mess insyd.
Ein Background[edit | edit source]
Na de Occupy Julorbi House for be 3-day protest for Jubilee House ein front for Accra insyd wey ebe Ghanaian civil society organization Democracy Hub wey organise am.[3][4][5]
Na de idea be say dem go plan sam demonstration from September 21 go 23 make ecoincide plus Founder's Day—sam national holiday wey dem dey take honor Kwame Nkrumah, Ghana ein first presido wey den he be prominent advocate give African independence den unity. Na de protesters initial plan be say dem go picket for Jubilee House bah wat dem intend as peaceful demonstration cam turn distressing twist as protesters clash plus Ghana Police, wey den forcefully attempt say dem go disperse de crowd.[6]
De Police[edit | edit source]
For first day of de "Occupy Julorbi House" protest for September 21 insyd, police use tactics say dem go disrupt de demonstration, wey emake dem arrest chaw protesters. However, dem release all de 49 detainees for dat same day.[1]
De National Democratic Congress (NDC) criticize de arrest of 'Democracy Hub' protesters for September 21, 2023, for Accra insyd, say ebe violation of demma fundamental rights.[7]
Notable people[edit | edit source]
Below be sam notable people wey participate for de protest insyd:
- Pappy Kojo
- Efia Odo
- John Dumelo
- EL (rapper)
- Kwaw Kese
- Wanlov the Kubolor
- Stonebwoy
- Bridget Otoo
References[edit | edit source]
- ↑ 1.0 1.1 Agambila, Dorcas (2023-09-22). "Occupy Julorbi House: Police block protesters from marching to Jubilee House". Pulse Ghana. Retrieved 2023-09-26.
- ↑ "OccupyJulorbiHouse demo: Organisers call for immediate release of all protesters". Citinewsroom - Comprehensive News in Ghana. 2023-09-21. Retrieved 2023-09-26.
- ↑ AfricaNews (2023-09-24). "Ghana: 3-day protests over cost of living crisis, leaders' "moral decay" end". Africanews. Retrieved 2023-09-26.
- ↑ Crabbe, Nathaniel (2023-09-26). ""Much respect": Video of policeman begging OccupyJulorbi protesters warms hearts". Yen.com.gh - Ghana news. Retrieved 2023-09-26.
- ↑ Okyere, Gertrude (2023-09-20). "Police file injunction against occupy 'Julorbi' House demo". Adomonline.com. Retrieved 2023-09-26.
- ↑ "#OccupyJulorbiHouse: Ghanaian Youth Protest for Change as Country's Economy Continues to Worsen". theaccratimes.com. Retrieved 2023-09-26.
- ↑ "NDC condemns 'shameful' arrest of 'Occupy Julorbi House' protesters". Prime News Ghana. 2023-09-22. Retrieved 2023-09-27.