Alan John Kwadwo Kyerematen

From Wikipedia
Alan John Kyerematen
human
Sex anaa gendermale Edit
Country wey e be citizenGhana Edit
Name in native languageAlan John Kwadwo Kyerematen Edit
Given nameAlan, John Edit
Family nameKyeremateng Edit
NicknameAlan Cash Edit
Date of birth3 October 1955 Edit
Place dem born amKumasi Edit
Languages dem dey speak, wrep anaa signEnglish, Fante, Twi, French, Ga Edit
Occupationdiplomat, lawyer, politician Edit
Position dem holdMinister for Trade and Industry, Minister for Trade and Industry Edit
Educate forUniversity of Ghana, University of Minnesota, Achimota School, Kumasi Academy Edit
Work locationGhana Edit
Political party ein memberNew Patriotic Party Edit

Alan John Kwadwo Kyerematen (ein popular name be Alan Cash) (dem born am 3 October 1955) he be Ghanaian politician.[1] He cam turn Minister of Trade den Industry from 2017 cam 2023.[2][3] Na Kyerematen be ambassador give de United States den later he cam turn Minister of Trade den Industry, Private Sector Development (PSD) den de Presidential Special Initiatives (PSI), under President Kufuor in-led NPP government. Kyerematen serve as trade advisor give de United Nations Economic Commission for Africa (ECA) for Addis Ababa, Ethiopia, as he coordinate de African Trade Policy Centre (ATPC).

Kyerematen come make attempt so say he go take de New Patriotic Party dema leadership for 2007 insyd, he get 32.3% for de votes wey dem cast. Na he be Nana Akuffo-Addo ein first runner-up as he gain 47.96% for de votes wey dem cast.[4] Kyerematen san make oda attempts for de party ein leadership for 2010 den 2014 insyd but he chop second to Akufo-Addo, wey chop de primaries. For 2012 insyd, Ghana nominate Kyerematen so say he go be de World Trade Organization dema director-general den succeed de out-going Director-General Pascal Lamy, den de African Union back ein candidature.[5][6] Howeva, he no make de shortlist give de final selection process for 2013 insyd.[7][8][9][10]

Ein early life[edit | edit source]

Alexander Atta Yaw Kyerematen, social anthropologist wey komot Patasse, Kumasi den Victoria Kyerematen (née Welsing) wey komot Elmina den Ejisu born Alan John Kwadwo Kyerematen for 3 October 1955. Dem name am after archbishop for de Church of England, Alan John Knight wey na he be de headie for de all-boys Anglican boarding school, Adisadel College insyd Cape Coast[11] for de 1930s insyd, wey he san be ein puppie ein mentor, Alexander A. Y. Kyerematen wey na he be student for der den later, head boy for ein final year insyd.[12] Insyd 1951, ein puppie cam turn de founder den first director for de Centre for National Culture wey locate insyd Kumasi for de Ashanti Region[13][14][15] wey later on, dem appoint am de mayor for Kumasi den de commissioner give local government between 1966 den 1969 during de National Liberation Council regime.[16][17]

Lyk ein poppie, Alan Kyerematen attend Adisadel College for ein secondary education, he enter de institution na he dey nine years wey be record after he start at Asokore Mampong Secondary School wey now be Kumasi Academy.[18][19] Afterwards he attend Achimota School for ein sixth form education.[19] He proceed go de University of Ghana, Legon for bachelor's degree inyd Economics.[19] Kyerematen sanso dey zuk law degree, LLB from de Ghana Law School for se same university wey he qualify as barrister-at-Law.[18][19] Dem bell am to de bar insyd Ghana, wey he be practicing attorney–at-law insyd Ghana. In addition, he be Hubert Humphrey fellow for de School of Management for de University of Minnesota, U.S., he plete one year management studies under de Fulbright Fellowship program for dat institution.[18][19]

Ein life matter[edit | edit source]

As he dey komot from mixed Akan ancestry of de Asante den Fante ethnic subgroups, he dey speak Twi den Fanti fluently. For addition, he dey speak Ga wey he be proficient for French insyd.[7] He marry Patricia Christabel Kyerematen (née Kingsley-Nyinah), de daughter of Joseph Kingsley-Nyinah wey na he be Appeal Court Judge den de Electoral Commissioner give Ghana between 1978 den 1981, wey dey include 1979 presidential election.[19] Dem get two kiddies - Alexander den Victor.[19] Alan Kyerematen ein sisto Bridget Kyerematen – Darko die for gas explosion for January 2017 insyd.[20] Alan Kyerematen along plus ein elder bro Stephen Kyerematen[21][22] be managing directors for A Wealth of Women Ghana BKD (Bridget Kyerematen Darko), Dr. Sandi Williams, PhD[23] lead am e be foundation dem form make e support dema late sisto ein work den legacy. De foundation affiliate to A Wealth of Women.[24]

References[edit | edit source]

  1. ↑ "Alan Kyerematen, Biography". www.ghanaweb.com. Retrieved 9 June 2023.
  2. ↑ "Hon. Alan Kyerematen – Ministry of Trade & Industry".
  3. ↑ "Trade Minister Alan Kyerematen resigns - MyJoyOnline.com". www.myjoyonline.com. 6 January 2023. Retrieved 7 January 2023.
  4. ↑ "Akufo-Addo Is The Man Of The Moment - President", Modernghana.com, 24 December 2007
  5. ↑ "What next for the World Trade Organization?". Odi.org.uk. Archived from the original on 27 April 2014. Retrieved 22 October 2014.
  6. ↑ "Ghana names Kyerematen as first candidate to succeed WTO's Lamy". Reuters. 17 December 2012. Archived from the original on 27 June 2014. Retrieved 22 October 2014.
  7. ↑ 7.0 7.1 "Biography of Alan John Kwadwo Kyerematen" (PDF). Archived (PDF) from the original on 25 April 2013.
  8. ↑ "WTO - 2012 News items - Ghana nominates Mr Alan John Kwadwo Kyerematen for post of WTO Director-General". Wto.org. Archived from the original on 28 April 2014. Retrieved 22 October 2014.
  9. ↑ "WTO Profile: Alan John Kwadwo Kyerematen, Ghana". Hagstromreport.com. Archived from the original on 27 April 2014. Retrieved 22 October 2014.
  10. ↑ "Alan John Kyerematen | University of Ghana Alumni Relations Office". ar.ug.edu.gh. Retrieved 30 August 2023.
  11. ↑ "College web-site". Adisadel.org.uk. Archived from the original on 24 April 2014. Retrieved 22 October 2014.
  12. ↑ "Adisadel College: About". Adisadelcollege.net. Archived from the original on 21 August 2014. Retrieved 22 October 2014.
  13. ↑ "National Commission On Culture". Ghanaculture.gov.gh. Archived from the original on 22 October 2014. Retrieved 22 October 2014.
  14. ↑ "Name Kumasi Cultural Centre After Dr Kyerematen". Ghanaculture.gov.gh. 30 November 2001. Archived from the original on 24 April 2014. Retrieved 22 October 2014.
  15. ↑ Ghana National Cultural Centre, Kumasi : building for future generations. OCLC 513117172.
  16. ↑ "Alan Kwadwo Kyeremateng". Pulse Ghana. 29 September 2015. Retrieved 17 September 2021.
  17. ↑ "Economic Crisis: All is not lost - Alan". Ghanaweb.com. 15 July 2014. Archived from the original on 19 July 2014. Retrieved 22 October 2014.
  18. ↑ 18.0 18.1 18.2 "Mr Alan John Kwadwo Kyerematen (Alan Cash)". Africa-confidential.com. Archived from the original on 22 October 2014. Retrieved 22 October 2014.
  19. ↑ 19.0 19.1 19.2 19.3 19.4 19.5 19.6 "Profile of Alan John Kwadwo Kyerematen, the Next NPP Flagbearer". Vibeghana.com. Archived from the original on 29 April 2014. Retrieved 22 October 2014.
  20. ↑ Frimpong, Enoch Darfah. "Alan Kyerematen loses sister to La gas explosion". Graphic Online. Archived from the original on 18 November 2018. Retrieved 18 November 2018.
  21. ↑ "Activa MD Stephen Kyerematen receives African Leadership Award". Modern Ghana. Retrieved 26 November 2019.
  22. ↑ "Contact Support". intercpp.com. Retrieved 26 November 2019.
  23. ↑ "A Wealth of Women GHANA I Home". A Wealth of Women GHANA I Home. Archived from the original on 31 August 2018. Retrieved 18 November 2018.
  24. ↑ "About - A Wealth Of Women". A Wealth Of Women. Archived from the original on 14 November 2018. Retrieved 18 November 2018.
Dem retrieve am from "https://gpe.wikipedia.org/w/index.php?title=Alan_John_Kwadwo_Kyerematen&oldid=26646"