Jump to content

Israella Kafui Mansu

From Wikipedia
Israella Kafui Mansu
human
Ein sex anaa genderfemale Edit
Country wey e be citizenGhana Edit
Name wey dem give amIsraella Edit
Family nameMansu Edit
Ein date of birth26 October 1985 Edit
Place dem born amSogakope Edit
Languages edey speak, rep anaa signEnglish Edit
Ein occupationbusiness executive, businessperson, organizational founder, actor Edit
Position eholdchief executive officer Edit
Educate forUniversity of Ghana, Anfoega Senior High School Edit

Israella Kafui Mansu be Ghanaian young female entrepreneur,[1] actress,[2] Founder den CEO of Mansuki Ghana Ltd.[3][4]

Ein early life

[edit | edit source]

Dem born Israella Kafui Mansu for 26 October 1985 for Sogakope insyd for Ghana wey she move plus ein family go Liberia whiles she dey young. Unfortunately ebe during dat period wey de war break for Liberia so de family move back cam Ghana. For age 6 she enroll for Sogasco Primary wey dey Sogakope, she move go Dabala Primary and JHS wey later St. Francis Demonstration JHS for Hohoe insyd, wer she take ein BECE secof de transfers ein mommie for go thru as school matron. After she pass ein exams successfully, she gain admission go Anfoega Senior High School for de Kpando District insyd make she study Home Economics wey she plete ein tertiary education for de University of Ghana, Legon plus Bachelor of Arts degree insyd Consumer Science den Psychology.[5]

Recognition

[edit | edit source]

For 2012 insyd, Israella participate for Enablis Ghana's Business Launch Pad competition den Ghana Startup Cup insyd wer she place second den first runner-up respectively.

For 2013 insyd de deputy minister of Trade award am for sam ceremony for South Africa insyd den de European Women Inventors and Innovation Association for Sweden insyd.

For 2014 insyd she participate for de launch of de YES initiative by de Ghana government wer she tap for de Presido ein right hand side. She feature for television shows for Ghana insyd as well as documentaries for Young Entrepreneurs for Ghana den Africa insyd. She sanso participate for de US Embassy Ghana programs wey she share ein story for chaw speaking platforms.[6]

For 2016 insyd, dem shortlist ein company, Mansuki Ghana Limited for de 2016 Ghana Startup Awards insyd.[7]

For October 2018 insyd, de organizers for de Ghana Outstanding Women Awards nominate am.[8][9]

For 2021 insyd, dem nominate am for de 2021 Forty under40 Awards insyd.[10]

For 2022 insyd, dem award am for de Outstanding Young Female Entrepreneur of de Year for de 12th edition of de annual Ghana Entrepreneur and Corporate Executive Awards.[11]

References

[edit | edit source]
  1. ↑ Quist, Ebenezer (2022-04-22). "Ghanaian lady turns small business under shed in 2009 into huge venture in 2022". Yen.com.gh - Ghana news. Retrieved 2023-06-02.
  2. ↑ Entsie, Berlinda M. (3 October 2018). "Ghana Outstanding Women Awards unveils nominees". Graphic Online. Retrieved 2 June 2023.
  3. ↑ Kplorfia, Juliana Ama (22 April 2017). "From the WomanWideAwake Series Spotlight on Israella Kafui Mansu". Modern Ghana. Retrieved 2 June 2023.
  4. ↑ Dogbevi, Emmanuel (2016-12-21). "Company develops 20 cosmetic products from Shea butter". Ghana Business News. Retrieved 2023-06-02.
  5. ↑ "The Journey So Far With Israella Kafui Mansu". GhanaWeb. 2014-10-27. Retrieved 2023-06-02.
  6. ↑ "A Day Spent at Barclays Bank Unlocking Youth Opportunities". www.ghanaweb.com. Retrieved 2017-12-19.
  7. ↑ "Shortlist announced for 2016 Ghana Startup Awards". Pulse Ghana. 2016-04-11. Retrieved 2023-06-02.
  8. ↑ Dzido, Justice (2018-10-04). "Ghana Outstanding Women Awards Unveils Nominees". The Publisher Online. Retrieved 2023-06-02.
  9. ↑ "3 Multimedia Group journalists up for topmost GOWA awards - MyJoyOnline.com". www.myjoyonline.com. 2018-10-02. Retrieved 2023-06-02.
  10. ↑ admin (2021-09-11). "Summary profile of 'Forty under40' award nominees". The Spectator. Retrieved 2023-06-02.
  11. ↑ Segbefia, Sedem (2022-03-31). "Togbe Afede XIV named 'Ghana's Greatest Entrepreneur of All Time'". The Business & Financial Times. Retrieved 2023-06-02.
[edit | edit source]

Israella Kafui Mansu at Wikipedia ein sister projects

Dem retrieve am from "https://gpe.wikipedia.org/w/index.php?title=Israella_Kafui_Mansu&oldid=40018"