Techiman

Techiman

human settlement

Ethnic group	Akan
Continent	Africa
Country	Ghana
Capital of	Bono East Region
Dem locate for de administrative territorial entity insyd	Techiman Municipal District
Located in time zone	UTC±00:00
Coordinate location	7°34′38″N 1°55′45″W
Twinned administrative body	Sunyani

Techiman bi a city den de capital for Techiman Municipal den Bono East Region for Ghana. Techiman bi de leading market town for de Southern Ghana. Techiman bi one of de two major cities den settlements for de Bono East region. Techiman bi de home to West Africa's largest traditional market. Techiman gey a settlement population for 104,212 people as of 2013 insyd. Techiman dey for a historical crossroads of trade routes den de Tano River, den serves as capital for de Techiman Municipal Assembly.

History

According to oral tradition, de Akans wey dey constitute de largest ethnic group for Ghana, dem move from ancient Bono State; ebi a historical location known as Bono Manso, a suburb wey dey Techiman Municipality. De Fantes (an Akan people), according to demma oral tradition, migrated from Techiman go found demma coastal Mankessim Kingdom wey dem dey cover present day Central region den Western regions for 1252 insyd. Others wey comot from de Akan people later go follow demma action go form demma own states den city states, such as de now extinct Adanse state, de Akyem den Akwamu states, among others. After Bono Manso, capital for de Bono state, change dey for de Ashanti Empire 1723 insyd, den de Bono-Techiman state wey dem establish am insyd 1740 under de Ashanti sovereignty. However, all de Akans according to demma oral tradition, dem settle den migrated from Bono den dem all be part for de Bono State until wen de Ashantis come conquer de Bono State by war.

Techiman bi de heart for de Bonokyempem clan, ebi a group for de Traditional Bono Ahafo Chiefs wey dem eventually joine forces den campaigne for demma formation for de den Brong Ahafo Region from de Ashanti Region for April 4, 1959, in accordance plus de Ashanti Region Act 18 of 1959. Nana Kwaakye Ameyaw III, former paramount chief give Bono Traditional Area, wey ebi him wey he dey drive morale behind de founding for de "Bonokyempem" clan.

Demographics

De population dey grow rapidly for recent decades, as dem dey doubling between de 1970 den 1984 censuses, den again doubling by de next census for 2000. De estimate for 79,547 insyd 2007, ebi nine times de population for de town gey insyd 1960.

Education

• Holy Family Nursing Midwifery Training School
• Valley View University

Vegetation and Agriculture

De Techiman Municipality dey contains three major vegetation zones: de Guinea-Savanna woodland for de north-west, de semi-deciduous zone for de south, den de Transitional zone wey edey extend from de south-east den west for de north.

Demma principal land use dey include crop production den livestock production. Aquaculture dey for gradual development den tiny portion bi dey undergoing replanting so say ego join de Asubima Forest Reserve.

Market

Techiman bi undeniably one of Ghana's ein busiest cities, den ebi widely regarded as one for de country ein top commercial centres. Techiman bi home give West Africa ein largest traditional market. Ebi frequent by merchants wey dem dey comot from Togo, Benin, Côte d'Ivoire, Burkina Faso, den Mali.

De Techiman Municipality dey strategically located between de savanna den forest zones for Ghana, making am de ideal trading hub insyd de country.

Techiman, dem dey commonly call am de "Food Basket for Ghana" sake of ein market operations wey dey take place from Tuesday through Friday for every week insyd de year, wey edey attract traders from around de West Africa.

Due to de city ein socioeconomic structure, Techiman ein population bi very cosmopolitan, wey edey consist of individuals from chaw racial, economic, den social-political backgrounds.

Culture

Techiman dey start dey construct demma modern culture centre. Ein purpose for de centre bi say dem go use am to preserve demma traditions for de Bono nation. Techiman dey celebrate demma annual Apoo insyd April/May. Before 2009, de celebration for Apoo dem suspend am for several years sake of de Bonoman king die. De climax for de Apoo bi a durbar for de king (Omanhene) through Techiman. Insyd August, demma annual yam ceremony san dey take place den edey mark de end for de yam production insyd Bon East Region den ein towns for Techiman den Wenchi. Ghana govament dey support Techiman Land plus money as demma gift. De gift dey mean say dem for take develop demma Land den protect demma culture.

Transport

Techiman bi connected by road to Sunyani den ein domestic airport, de Sunyani Airport. Techiman no gey serviced of railway station for de Ghana Railway Corporation, den dem dey propose say dem go extend go Techiman. De Tano River bi a navigable river.

Dem gey Public Transports from Techiman to major cities such as Accra; Kumasi; Mim, Ahafo; Sunyani; Takoradi; Tema; Ho; Wa; Bolgatanga; Elubo; Aflao, Ouagadougou den Yamoussoukro

Egey a study traffic insyd Techiman wey insyd March 2007 dem see say breakdown for 34% for taxis, 31% for pedestrians, 10% for buses and vans, 7% for bicycles, 6% for motorbikes, 5% for cars den 7% for "other" modes of transportation. Of bicyclists, a focus for de study, 49% travelled for work, 18% for school, 14% for recreation den 6% for touring.

Sister city

Techiman, gey partnership plus nearby Sunyani, as dem bi sisto city relationship plus Alabama wey dey tuscaloosa insyd United States of America. On 11 October 2012, Techiman den Sunyani municipalities go sign a Memorandum of Understanding (MoU) go seal dem sisto-city relationship plus Tuscaloosa Sister Cities International of Alabama State insyd de United States America

Sports

• Techiman Eleven Wonders
• Ampem Darkoa Ladies F.C.
• Techiman City FC