Euclid University

EUCLID, dem sanso dey bell am Pôle Universitaire Euclide anaa Euclid University, be international intergovernmental organization plus university charter dem establish am insyd 2008. E get official headquarters insyd The Gambia den insyd de Central African Republic, buh sanso dey maintain executive office insyd Washington, D.C. Ein primary mandate be make e train officials for ein Participating States buh programs dem sanso dey offer to de general public. De institution ein current Secretary-General be Winston Dookeran.

History

EUCLID ein origins dem connect plus de creation of group of universities dey dey bell "Euclid Consortium" by de University of Bangui den de University of N'Djamena insyd 2006. Na dem administer de project by de International Organization for Sustainable Development, international non-governmental organization head by Syed Zahid Ali. First na dem conceive am as international extension give de University of Bangui, "Euclid" wey na dem redefine wey dem constitute den distinct institution insyd 2008 by intergovernmental convention. De same year, de rector of de University of Bangui, Faustin-Archange Touadera na dem appoint am as Prime Minister, wey he sign de convention wey dey formalize ein country ein participation insyd EUCLID for 2010 insyd. Insyd January 2008, Syed Zahid Ali, dey act as Secretary-General of IOSD, present to various government representative wey dey attend conference of de Islamic Chamber of Commerce den Industry fresh legal framework dem dey bell EUCLID Phase 2. Soon after, several governments interested in make dem dey use de Euclid programs take train dema own staff approve de statutes of de fresh international university wich enter into force insyd April 2008.