John Kufuor

John Kufuor

human

Sex anaa gender	male
Country wey e be citizen	Ghana
Name in native language	John Kofi Agyekum Kufuor
Given name	John
Family name	Kuffour
Date of birth	8 December 1938
Place dem born am	Kumasi
Sibling	Kwame Addo-Kufuor
Spouse	Theresa Kufuor
Kiddie	John Addo Kufuor
Relative	Matthew Opoku Prempeh, Joseph Henry Mensah
Native language	Twi
Languages dem dey speak, wrep anaa sign	English, Asante
Occupation	politician, lawyer, businessperson
Position dem hold	Chairperson of the African Union, President of Ghana, Member of the 1st Parliament of the 2nd Republic of Ghana, Member of the 1st Parliament of the 3rd Republic of Ghana
Educate for	Exeter College, Prempeh College, Osei Tutu Senior High School, Lincoln's Inn, University of Oxford
Work location	Accra
Political party ein member	New Patriotic Party
Candidacy in election	2000 Ghanaian general election, 2004 Ghanaian general election
Religion anaa worldview	Catholicism
Significant event	Panama Papers
Ghana Place Names URL	https://sites.google.com/site/ghanaplacenames/places-in-perspective/birthplaces#h.c6964lwpzksj

John Kofi Agyekum Kufuor (dem born am 8 December 1938) be Ghanaian politician wey serve as President of Ghana from 7 January 2001 to 7 January 2009. Na he san be Chairperson of African Union from 2007 to 2008.

Kufuor's spend most of ein career for liberal-democratic side of Ghanaian politics, for de parties descended from de United Gold Coast Convention den United Party. Aside say he be lawyer den businessman, na he be minister for Kofi Abrefa Busia Progress Party government for Ghana Second Republic, den Popular Front Party opposition frontbencher for Ghana Third Republic insyd. For Ghana Fourth Republic insyd, Kufuor stand as New Patriotic Party candidate for 1996 election, wey he win for 2000 den 2004 insyd. He serve two terms in power, he retire from politics for 2008 insyd. He be popular plus de name "Gentle Giant".

Ein Early life den schooling

John den Theresa Kufuor (2008)

Dem born John Kufuor for Daaban a suburb of Kumasi for Ashanti Region wey dey Ghana, wey he start ein primary den elementary school for Kumasi Government School wey dey Asem. Ebe Sir Gordon Guggisberg wey build dat school.

He continue ein primary (wey na dem dey call am 'standard' three) education for Osei Tutu Boarding School (Osei Tutu Senior High School) from 1951 to 1953. He san school for Prempeh College (Form 1 to Form 5) from 1954 to 1958.

As he arrive for London on 30 April 1959, by June 1959 na dem accept am for Lincoln's Inn, London (from 1959 – 1961) say he go study law, he cam turn qualified barrister in one year eight months. Dem call am go London bar in 1961. Dem san call am de following year to bar for Ghana before he san go Oxford University graduate from Exeter College, in 1964.

Dem employ for Ghana Commercial Bank wey London as Manager den Legal Officer. He san return go Ghana in de year 1965 at de behest of ein mummy (who buy first-class ticket give am as he dey return) sake of na she dey wish say John Kufuor go practice for Africa. He san practice for de Chambers of Victor Owusu plus anoda lawyer Owusu Yaw.

Na he be town clerk give Kumasi City Council [wey dem now dey call am Kumasi Metropolitan Assembly] for 1966. For Second Republic's Parliamentary register, Kufuor list ein hobbies den interests as table tennis, reading, football, den film shows. Na he san be Chairman give Kumasi Asante Kotoko Football Club.

Ein life matter

Kufuor marry Theresa Kufuor (née Mensah) for de age of 23 for 1962 insyd after they meet for Republic Day Anniversary Dance for London for 1961 insyd; dem get five kiddies togeda. Kufuor den ein family dey belong to de Roman Catholic Church. He be Senior Grand Warden for de United Grand Lodge of England Freemasons, wey he openly profess ein membership as Freemason since de tym he be young lawyer. He be Asante, Kufuor dey speak de Twi language fluently. He be known for using ein language weneva na he dey campaign for ein native Ashanti Region. Kufuor den ein family dey reside for Accra insyd, Ghana ein capital.

Ein awards den accolades

Kufuor receive numerous awards, wey dey include de Face-of-Good-Governance Award, Chatham House Prize, de Climate Change Award, den de World Food Program's Global Ambassador Against Hunger.

• Chatham House Prize (2008).
• Distinction of Grand Cordon for de Most Venerable Order of de Knighthood of de Pioneers of de Republic of Liberia(2008).
• World Federation of Honorary Consuls' Order of de Gold Star (2008).
• Honorary Fellow, Exeter College, Oxford University, den John Moore University, Liverpool, UK.
• Honorary Doctorate from de University of Cape Coast, Ghana.
• Knight Commander of de Order of de Bath, Her Majesty Queen Elizabeth II of Great Britain wey confer am.
• Dem award am highest award of de Order of de House of Orange, Her Majesty Queen Beatrix of de Netherlands confer am
• Dem award am State Honors from various countries wey dey include Italy, Germany den Brazil.
• Leadership den Governance award, Ghana UK-Based Achievement Awards, Impact Africa Summit (2016).
• Senior Grand Warden of de United Grand Lodge of England, His Royal Highness Prince Edward, De Duke of Kent dey appoint am

Foreign Honours

United Kingdom:

• Knight Grand Cross of de Order of de Bath (2006)

Liberia:

• Grand Cordon of de Order of de Pioneers of Liberia (2008)
• The Collar of State – Most Venerable Order of de Pioneers of Liberia (2015)

Bibliography

• Ivor Agyeman-Duah: Between Faith and History: A Biography of J. A. Kufuor (Trenton, NJ: Africa World Press, 2003, ISBN 1-59221-128-3). Oxfordshire: Ayebia Clarke Publishing, 2006. ISBN 978-0-9547023-9-7.