Mim, Ahafo
.jpg)
Mim be city insyd de Asunafo North Municipal District insyd de Ahafo Region of Ghana. Ebe nodal town between Sunyani den Goaso for de N12 Highway top. De distance from Mim to Sunyani be 64 km whiles dat of Mim to Goaso be 14 km. Mim get direct routes to: Kumasi; Kenyasi;Dormaa Ahenkro; Sunyani; Nkrankwanta den Sefwi Debiso.
Mim be de seat of de Mim traditional Area plus oda big towns such as Kasapin, Kwadwo Addaikrom, Bediako, Gambia No.1 & No.2, Dominase, Gyasikrom all under de Mim paramountcy.
Mim be known for e dey produce timber, cocoa den cashew.
According to de 2021 population census, Mim township get population of 31,538. Dis dey make Mim de largest town insyd Ahafo Region den dat of Asunafo North Municipal District.[1][2][3][4][5]
Festival
[edit | edit source]De people of Mim dey celebrate de Akwansramu festival wey dem dey usually hold dis ceremony insyd December.
Akwansramu be a Twi term for espionage. Dem dey celebrate de Akwansramu festival make dem commemorate de Asante-warriors patrol of de Mim-Akwaboa lands wey dem avert de enemy ein incursion for Kumasi.
Akwansramu be one of Ghana ein chaw festivals wey dey see attendance from people from all walks of life wey dey include de diaspora.
De Akwansramu be a staple of Ghana ein colourful, vibrant den diverse cultural expression, wey dey bring togeda people from all walks of life make dem celebrate themes of victory, harvest den gratitude for unity.[6][7][8]
Economy
[edit | edit source]Agriculture
De fundamental occupation of residents of Mim be farming, wich be cultivation of cash crops den food crops. De predominant cash crops dem grow insyd dis area be cocoa den cashew.[9] Mim den ein surrounding towns such as: Goaso, Bediako, Gambia No2, Kasapin & Kwadwo Addaikrom make dem produce about a quarter of de foodstuffs that are sent to Accra den Tema.[5]
Industry
De tropical forest dey reserve insyd dis area serve as source of raw materials for de numerous timber companies insyd Mim. De Ayum Forest Products Limited formerly Mim Timbers, Mim Scanstyle Company Limited, Ocean-wood company limited, Supremo Wood processing Co. Ltd amongst tens of timber firms locate insyd Mim exist secof de abundance of timber insyd dis area. However, de recent illegal chainsaw operations dey fast deplete de forest reserves wey e dey threaten de existence of dese timber companies wich dey provide hundreds of employment to de teeming population.[10][11][8]
De cashew plantations insyd Mim area sanso dey provide constant source of raw materials for de Mim Cashew and Agricultural Products Ltd wich dey produce de 'Mim Cashew Brandy'.[12][9][13]
Tourism
[edit | edit source]One of de tourist sites insyd Mim be de Mim Bour anaa 'Mim mountains'. Dese Rocky Mountains be famous tourist attraction center insyd de Ahafo Region of Ghana. According to history, de paramount chief of Mim use make he climb de Mim bour wenever he want make he address ein people, wey dem sanso claim say, from de top, he fi see all de areas within ein jurisdiction den even as far as Techiman den Kumasi. From de top of de Mim Bour, you get plain view of de cashew plantation den surrounding areas.[14][8][15][1]
.jpg)
Mim Lake be anoda tourist attraction wey dey locate off de Mim-Kenyasi road. Ebe about 1 km away north of de Mim township. Dis be an artificial lake wer tourists den local people dey visit for leisure, canoeing den site seeing. Dem sanso know dis lake as 'Anwomasu lake'.
Education
[edit | edit source]Mim get chaw educational institutions wey dey include:
- Mim Senior High School
- Ghana Greentech Academy[16]
References
[edit | edit source]- ↑ 1.0 1.1 Composite Budget 2019 Ministry of Finance
- ↑ "Mim Cries For Development Projects". ModernGhana. (in English). Retrieved 2021-08-04.
- ↑ "Mim Cashew and Agricultural Products, Ltd". GEPA Buyer Portal (in American English). Retrieved 2021-08-04.
- ↑ "Mim Cashew - Welcome". mimcashew. Retrieved 2021-08-04.
- ↑ 5.0 5.1 "Lage – Ghana Greentech Academy" (in American English). Retrieved 2021-08-04.
- ↑ Online, Peace FM. "Armed Bandits "Seize" Mim Chiefs Run To IGP For Succour". Peacefmonline - Ghana news.
- ↑ "Festivals In Ghana". Nhoc. Retrieved 2021-08-04.
- ↑ 8.0 8.1 8.2 "Mim Cries For Development Projects". Modern Ghana (in English). Retrieved 2021-08-04.
- ↑ 9.0 9.1 Simpson, Tony. "Mim Cashew implementing new strategies to revamp operations". Ghana News Agency.
- ↑ "President Akufo Addo Gives Mim Ayum Timber Company a Stimulus Package. Ahafo Regional Minister Reveals. – Ahafo Regional Coordinating Council". 6 January 2020.
- ↑ Shakespeare, William (4 February 2020). Henry V. ISBN 978-1-9821-0941-7. OCLC 1105937654.
- ↑ "Cashew nuts rot as Ministry imposes ban on export". GhanaWeb. March 17, 2016.
- ↑ Ashiadey, Bernard Yaw (June 17, 2020). "Mim Cashew receives support from SECO, GIZ to combat COVID-19".
- ↑ "Gov't stimulus package brings back Ayum Forest Products Company Limited". Modern Ghana.
- ↑ "South African High Commission Counselor of Economic Embarks On Two (2) Days Visit To Ahafo Region". June 8, 2021.
- ↑ "61st Independence Anniversary In Mim". Modern Ghana. Retrieved 2021-08-04.