Gabon

Gabon

country, sovereign state

Part of	Middle Africa
Inception	1960
Official name	Repubblica Gabonese, Gabon, la République gabonaise
Native label	République gabonaise
Short name	🇬🇦
Dem name after	pea coat
Official language	French
Anthem	La Concorde
Culture	culture of Gabon
Motto text	Union, Travail, Justice, Union, Work, Justice, Единство, труд и справедливост, Undeb, Gwaith, Cyfiawnder, Enotnost, delo, pravica
Continent	Africa
Country	Gabon
Capital	Libreville
Located in or next to body of water	Atlantic Ocean
Located in/on physical feature	Central Africa
Coordinate location	0°41′0″S 11°30′0″E
Coordinates of easternmost point	0°37′3″S 14°31′36″E
Coordinates of northernmost point	2°19′12″N 11°42′0″E
Coordinates of southernmost point	3°57′36″S 11°9′12″E
Coordinates of westernmost point	0°37′28″S 8°42′29″E
Highest point	Mont Bengoué
Lowest point	Atlantic Ocean
Government hin basic form	republic
Office held by head of state	President of Gabon
State hin head	Ali Bongo Ondimba
Office held by head of government	Prime Minister of Gabon
Government hin head	Alain Claude Bilie-By-Nze
Legislative body	Parliament of Gabon
Central bank	Bank of Central African States
Located in time zone	UTC+01:00, West Africa Time, Africa/Libreville
Currency	Central African CFA franc
Twinned administrative body	Aisai
Dey share bother plus	Cameroon, Republic of the Congo, Equatorial Guinea, São Tomé and Príncipe, Angola
Foundational text	Constitution of Gabon
Driving side	right
Electrical plug type	Europlug
Replaces	Middle Congo
Official website	http://www.gouvernement.ga/
Hashtag	Gabon
Top-level Internet domain	.ga
Flag	flag of Gabon
Coat of arms	coat of arms of Gabon
Has characteristic	not-free country
Geography of topic	geography of Gabon
History of topic	history of Gabon
Economy of topic	economy of Gabon
Demographics of topic	demographics of Gabon
Mobile country code	628
Country calling code	+241
Trunk prefix	0
Emergency phone number	1300, 1722, 18
Licence plate code	G
Maritime identification digits	626
Unicode character	🇬🇦
Category for maps	Category:Maps of Gabon

Gabon officially be Gabonese Republic be country wey dey west coast of Central Africa. E dey locate for de equator top, Equatorial Guinea dey border am for de northwest, Cameroon for de north, de Republic of de Congo for de east den south, wey de Gulf of Guinea for de west. E get area of nearly 270,000 square kilometres (100,000 sq mi) wey dem estimate ein population for 2.3 million people. Der be coastal plains, mountains (de Cristal Mountains den de Chaillu Massif for de centre insyd), den savanna for de east.

Since ein independence from France for 1960 insyd, de sovereign state of Gabon get three presidos. For de 1990s insyd, dem introduce multi-party system den democratic constitution wey dem aim for more transparent electoral process wey dem reform sam governmental institutions. Despite dis, de Gabonese Democratic Party (PDG) remain de dominant party. Plus petroleum den foreign private investment, e get de fourth highest HDI for de region insyd (after Mauritius, Seychelles den South Africa) den de fifth highest GDP per capita (PPP) for all of Africa insyd (after Seychelles, Mauritius, Equatorial Guinea den Botswana). Ein GDP grow by more than 6% per year from 2010 come 2012.

De official language be French. Bantu ethnic groups dey constitute around 95% for de country ein population, wey Christianity be de religion dem practice most, about 75% of de population dey practice am.

Politics

Military

E get professional military of about 5,000 personnel, dem divide go army, navy, air force, gendarmerie, den police force. 1,800-member guard dey provide security give de president.

Administrative divisions

Dem divide am go 9 provinces wey be subdivided go 50 departments. De presido dey appoint de provincial governors, de prefects, den de subprefects. De provinces be (capitals for parentheses insyd):

1. Estuaire (Libreville)
2. Haut-Ogooué (Franceville)
3. Moyen-Ogooué (Lambaréné)
4. Ngounié (Mouila)
5. Nyanga (Tchibanga)
6. Ogooué-Ivindo (Makokou)
7. Ogooué-Lolo (Koulamoutou)
8. Ogooué-Maritime (Port-Gentil)
9. Woleu-Ntem (Oyem)

Demographics

Population for Gabon insyd

Year	Million
1950	0.5
2000	1.2
2021	2.3

E get population of approximately 2.3 million. Historical den environmental factors cause ein population make e decline between 1900 den 1940. E get one of de lowest population densities for any country for Africa insyd, den de fourth highest Human Development Index for Sub-Saharan Africa insyd.

Ethnic groups

Gabon get at least 40 ethnic groups, wey dey include Fang, Myènè, Punu-Échira, Nzebi-Adouma, Teke-Mbete, Mèmbè, Kota, Akélé. Dem get indigenous Pygmy peoples: de Bongo, den Baka. De latter dey speak de non-Bantu language per for Gabon insyd. More dan 10,000 native French dey live for Gabon insyd, wey dey include 2,000 dual nationals dem estimate.

Dem spread sam ethnicities thru out Gabon, wey dey lead make dem contact, interact among de groups, den intermarriage.

Population centres

Cities for Gabon

Rank	City	Population		Province
		2003 census	2013 census
1.	Libreville	538,195	703,940	Estuaire
2.	Port-Gentil	105,712	136,462	Ogooué-Maritime
3.	Franceville	103,840	110,568	Haut-Ogooué
4.	Owendo	51,661	79,300	Estuaire
5.	Oyem	35,241	60,685	Woleu-Ntem
6.	Moanda	42,703	59,154	Haut-Ogooué
7.	Ntoum	12,711	51,954	Estuaire
8.	Lambaréné	24,883	38,775	Moyen-Ogooué
9.	Mouila	21,074	36,061	Ngounié
10.	Akanda	-	34,548	Akanda

Languages

French be de sole official language. Dem estimate say 80% of de population fi speak French, wey 30% of Libreville residents be native speakers of de language.

Nationally, chaw of de Gabonese people dey speak indigenous languages, according to dema ethnic group, while dis proportion be lower dan for most of oda Sub-Saharan African countries insyd. De 2013 census find say 63.7% of Gabon ein population fi speak Gabonese language, dem break am down by 86.3% for rural areas insyd den 60.5% for urban areas insyd dey speak at least one national language.

Religion

Religions dem practise for Gabon insyd dey include Christianity (Roman Catholicism den Protestantism), Islam, den traditional indigenous religious beliefs. Sam people dey practice elements of both Christianity den indigenous religious beliefs. Approximately 79% of de population (53% Catholic) dey practice one of de denominations of Christianity; 10% dey practice Islam (mainly Sunni); de remainder dey practice oda religions.

Culture

Country plus primarily oral tradition til de spread of literacy for de 21st century insyd, e get folklore den mythology. "Raconteurs" dey job make dem keep traditions alive lyk de mvett among de Fangs den de ingwala among de Nzebis.

E dey feature masks dem internationally celebrate lyk de n'goltang (Fang) den de reliquary figures of de Kota. Every group get ein own set of masks dem use. Dem dey use am for ceremonies lyk marriage, birth den funerals insyd. Traditionalists dey job plus "rare local woods den oda precious materials".

Music

E get array of folk styles. rock den hip hop dem import from de US den UK dey Gabon insyd, rumba, makossa den soukous. Sam folk instruments dey include de obala, de ngombi, de balafon den drums.

Cuisine

French cuisine dey influence Gabonese cuisine, wey staple foods be available.

Sports

De Gabon national football team represent de nation since 1962. De Under-23 football team chop de 2011 CAF U-23 Championship wey dem qualify for de 2012 London Olympics. Na Gabon be joint hosts, along plus Equatorial Guinea, for de 2012 Africa Cup of Nations, den de sole hosts for de competition ein 2017 tournament.

De Gabon national basketball team, dem nickname as Les Panthères, finish 8th for de AfroBasket 2015.

Gabon compete for most Summer Olympics since 1972. Ein Olympic medallist Anthony Obame chop silver medal insyd taekwondo for de 2012 Olympics dem hold for London insyd.

Gabon get recreational fishing wey dem consider am de "best place for de world insyd" make dem catch Atlantic tarpon.

Wildlife of Gabon

Gabon get chaw number of animal den plant species dem protect. De country ein biodiversity be one of de most varied for de planet top.

Fauna of Gabon

Gabon be home give 604 species of birds, 98 species of amphibians, between 95 den 160 species of reptiles wey different species of mammals. For Gabon insyd der be rare species, lyk de Gabon pangolin den de grey-necked rockfowl, anaa endemics, lyk de Gabon guenon.

De country be one of de most varied den important fauna reserves for Africa insyd: ebe important refuge give chimpanzees (na dem estimate dema number, for 2003 insyd, between 27,000 den 64,000) den gorillas (dem record 35,000 for 1983 insyd). Dem dedicate de "Gorilla den Chimpanzee Study Station" wey dey de Lopé National Park insyd for dema study.

E san so be home give more dan half de population of African forest elephants, mostly for Minkébé National Park insyd. Gabon ein national animal be de black panther.

Flora of Gabon

More dan 10,000 species of plants, den 400 species of trees dey form de flora of Gabon. Dem consider Gabon ein rainforest de densest den most virgin for Africa insyd. Howeva, de country ein enormous population growth dey cause heavy deforestation wey dey threaten dis valuable ecosystem. Likewise, poaching dey endanger wildlife. Gabon ein national flower be Delonix Regia.