Jerry Rawlings

Jerry Rawlings

human

Sex anaa gender	male
Country wey e be citizen	Ghana
Name in native language	Jerry John Rawlings
Given name	Jerry
Family name	Rawlings
Nickname	Papa J
Date of birth	22 June 1947
Place dem born am	Accra
Date of death	12 November 2020
Place dem die	Korle Bu Teaching Hospital
Manner of death	natural causes
Cause of death	COVID-19
Place wey dem bury am	Accra
Spouse	Nana Konadu Agyeman Rawlings
Kiddie	Zanetor Agyeman-Rawlings, Amina Rawlings
Native language	English
Languages dem dey speak, wrep anaa sign	English, Ewe, Twi
Occupation	politician, military personnel, soldier
Position dem hold	President of Ghana, President of Ghana, chairperson
Educate for	Achimota School
Work location	Accra
Work period (start)	1967
Political party ein member	Armed Forces Revolutionary Council, Ghana, National Democratic Congress
Candidacy in election	1992 Ghanaian presidential election
Participant in	1979 Ghanaian coup d'état
Military rank	captain
Conflict	Second Liberian Civil War
Military branch	Ghana Air Force
Member of	Holy Spirit Cathedral (Accra)
Ghana Place Names URL	https://sites.google.com/site/ghanaplacenames/places-in-perspective/birthplaces#h.iok4e2ow8cqq, https://sites.google.com/site/ghanaplacenames/places-in-perspective/birthplaces#h.qcain25x7yrs

Jerry John Rawlings (22 June 1947 – 12 November 2020) be Ghanaian President, Soja den politician wey lead de country from 1981 to 2001 wey he sa lead for some small time be for 1979 insyd. He lead soja government ahh till 1992, den he san serve two terms as presido wey be democratically for Ghana.

Rawlings come chop power for Ghana as he be flight lieutenant for Ghana Air Force after he make coup d'état for 1979 insyd. Before that nu, he led a coup bi wey do yawa on 15 May 1979, as Major Abubakar Sulemana (Rtd) of RECCE regiment barb am plus ein boys wey dey come do de coup. Dem lock Rawlings den some of ein boys wey dem barb nu. De Soja govament for dat time decide say dem go kill Rawlings. But on June 4, 1979, some Soja boys wey dey feel Rawlings ein vibes break am out from de gaaroom wey he come be dema leader for June 4th insyd. After June 4 nu, he carry power give civilian govament. After he hand power give civilian government, he san go take control of de country for 31 December 1981 as de chairman of de Provisional National Defence Council (PNDC).

For 1992 insyd, Rawlings resign from de soja, wey he go create de National Democratic Congress (NDC), den ge come turn de first President of the Fourth Republic. Dem san elect am for 1996 insyd wey he chop four years add. After de two terms he dey office nu, limit time wey dey de Ghana Constitution insyd, Rawlings support ein vice-president John Atta Mills so say he go stand as a presidential candidate for 2000 insyd. Rawlings go serve as de African Union envoy give Somalia. He die for November 2020 insyd, he chop 73 wey dem accord state funeral give am.

Ein Background

Dem born Rawlings as Jerry Rawlings John for 22 June, 1947 for Accra, Ghana insyd, to Victoria Agbotui, Anlo Ewe wey comot Dzelukope, Keta, den James Ramsey John, chemist wey comot Castle Douglas for Kirkcudbrightshire, Scotland insyd. Rawlings attend Achimota School, den military academy for Teshie. Rawlings marry Nana Konadu Agyeman, he meet am for Achimota College. Na dem get three pikiins: Zanetor Rawlings, Yaa Asantewaa Rawlings, Amina Rawlings; den one son, Kimathi Rawlings. Na Junior Agogo be Rawlings ein nephew.

Ein death den state funeral

Rawlings die 12 November 2020 for Korle-Bu Teaching Hospital for Accra insyd, week ein back after dem admit am sake of "short term illness" for Ghana insyd. Sum reports dey claim say, COVID-19 complications wey cause ein death. Ein death come after ein mummy, Victoria Agbotui, die for 24 September 2020. President Nana Akufo-Addo declare seven-day period of mourning sake of ein honor wey dem fly flags for half-mast. Ein family members appeal give de Government of Ghana so say dem go bury am for Keta for Volta Region insyd. Dem gbele schedule sake of make dem sign book of condolence for ein memory. Dem originally plan ein funeral for 23 December 2020, wey dem postpone am sake of ein family request dat.

State burial

From 24 come 27 January 2021, dem organize funeral ceremonies for Accra sake of Rawlings ein memory. Holy Spirit Cathedral hold requiem mass sake of Jerry Rawlings for 24 January 2021, later nu dem take vigil follow for de Air Force Officers' Mess for Accra insyd for eveningti insyd. Dem lay ein body in state for de foyer for de Accra International Conference Centre from 25 come 26 January 2021. Na de Anlo Ewe people for ein maternal ancestry sanso perform traditional rites. For 27 January 2021, national den international political leaders, paramount chiefs, diplomats den oda dignitaries, attend state funeral wey dem hold for Black Star Square before ein burial service for de Military Cemetery for Burma Camp, plus full military honors, wey dey include funeral cortège dema slow march, Ghana Air Force helicopter dema flypast, army buglers sound dema Last Post den 21-gun salute.

Ein awards den honors

• July 1984: de Order of Jose Marti by de Cuban leader Fidel Castro.
• October 2013: Honorary degree (Doctorate of Letters) wey comot de University for Development Studies for Northern Ghana insyd.
  • Dis award recognise Rawlings ein contribution for de establishment of de university. For 1993 insyd, he use ein US$50,000 Hunger Project cash prize as seed money wey he take sponsor de establishment of de state-owned university (dem found for May 1992 insyd), de first of ein kind for de three northern regions for Ghana.
• October 2013: de Global Champion for People's Freedom award bestow de Mkiva Humanitarian Foundation.
• August 2014: Doctor of Letters, Honoris Causa.
• August 2018: Marcus Garvey Awards.
• December 2018: dem enstool am de Togbuiga Nutifafa I for Anlo, development chief for de Ghanaian chieftaincy system insyd.

Ein legacy

President Nana Akufo-Addo propose to de Governing Council for UDS make dem rename de institution after Jerry John Rawlings since Rawlings use ein US$50,000 Hunger Project prize as seed money he take establish de university. Ein family accept dis suggestion.

Read further

De physical books wey dey follow be relevant to Jerry Rawlings, wey no fi be available online, but dem add in case you dey look for more info.

• Danso-Boafo, Kwaku (2012). J. J. Rawlings and the Democratic Transition in Ghana. Accra: Ghana Universities Press. ISBN 978-996430384-6.
• Ahwoi, Kwamena (2020). Working with Rawlings. Tema: Digibooks Ghana Limited. ISBN 9789988892999.
• Nugent, Paul (1996). Big men, small boys and politics in Ghana. London: Frances Pinter. ISBN 9781855673731