Kwesi Amissah-Arthur

 

Paa Kwesi Bekoe Amissah-Arthur (dem born am as William Edmund Davidson Amissah-Arthur) (29 April 1951 – 29 June 2018) bi Ghanaian economist, academic den politician who bi de fifth Vice-President of Ghana insyd 4th Republic, for office from 6 August 2012 until 7 January 2017, under President John Dramani Mahama. Previously, na he bi Governor for de Bank of Ghana from 2009 to 2012.

President John Dramani Mahama nominate am to be de vice-president a week after dem swear Mahama am in. Dis bi when sudden death of John Atta Mills on 24 July 2012. He become vice-president on 6 August 2012, as he dey follow vetting by de Parliament of Ghana.

Early life den education

Dem born Amissah-Arthur for Cape Coast on 29 April 1951, ebi de capital of de Central Region of Ghana, at de time organized as British Gold Coast Colony. Ein mummy, Effie Amissah-Arthur dey come from de Hutchful family wey ein puppy, Jabesh Richmond P. Amissah-Arthur, bi educator wey dey come from de Amissah-Arthur family den serve as demma de second den longest serving headmaster for Oda Secondary School for Akyem-Oda insyd Eastern Region from September 1961 to December, 1977. Both ein families dey komot from Cape Coast den dem bi Fantes ethnic origin. Kwesi Amissah-Arthur gey five siblings - one bro den four sistos.

He attend de Aboom Methodist 'B' Primary School insyd Cape Coast den pass ein Common Entrance examination from de Akim Oda Methodist School insyd 1964. He plete ein secondary education for Mfantsipim School, wey he obtain ein GCE Ordinary Level insyd 1969 den de GCE Advanced Level insyd 1971. Insyd Mfantsipim, na ebi resident of Lockhart-Schweitzer House. He proceed go University of Ghana for Legon, wey he obtain de B.Sc. insyd 1974 den M.Sc. insyd 1976, both insyd Economics.

Economics den consultancy

Amissah-Arthur bi research assistant for de Institute of Statistical, Social and Economic Research between 1974 den 1975. He later join de Economics Department as a teaching assistant from 1977 to 1978, going on wey he become assistant lecturer insyd 1979. He lecture for de Department of Economics for de University of Ghana between 1980 den 1988. He san become lecturer for de Department of Economics, Anambra State College of Education, Awka, Anambra State, insyd Nigeria (August 1981 – July 1983).

He go into politics until 1997 when he resign from de public sector den go into finance den economic consultancy. He work as a consultant for de World Bank insyd The Gambia. He san serve as a consultant for de Netherlands' govment education project insyd Ghana. He den worked as Senior Economist for de Sigma One Corporation insyd Ghana between 1998 den 2000. Between 2001 den 2002, he dey on assignment for de Ministry of Foreign Affairs of Denmark.

Politics

Finance den Economic Planning Portfolio

From 1983 to 1986, Amissah-Arthur serve as a special assistant give de Secretary of Finance den Economic Planning, Kwesi Botchwey, insyd de Provisional National Defense Council govment. Subsequently, he come make Deputy Secretary for Finance insyd de PNDC government from February 1986 to March 1993. From April 1993, he continue as de Deputy Minister for Finance insyd de Rawlings government after de establishment of constitutional rule until March 1997. He san serve on de board of for erstwhile state-owned Bank for Housing den Construction (BHC).

Governor for de Bank of Ghana

Dem appoint Amissah-Arthur as de Governor of de Bank of Ghana insyd October 2009 by President John Atta Mills. He hold dis position until 6 August 2012, when he come vice-president of Ghana following de death of Atta Mills. He come make responsible say he go ensure say de general development of de national economy, promote by monetary measure de stabilisation of de value of de currency within den outside Ghana den san formulate den implement monetary policy wey dey aim say dem go achieve de objective of de Bank den Ghana insyd a whole, among others.

Indian President, Shri Pranab Mukherjee being receive by Amissah-Arthur on ein arrival, at Kotoka International Airport, insyd Accra, Ghana on June 12, 2016

Vice President of Ghana

After de Death of de President John Atta Mills, ein successor de den Vice President John Dramani Mahama wey dem swear in as president, dem name am as ein vice president for fill in de gap wey dem evacuate. Dem swear am in as vice president on 6 August 2012 insyd Parliament by de den Chief Justice Georgina Wood, after going through a vetting process by de Parliament of Ghana. Dem maintain am by John Dramani Mahama as ein bid go win de 2012 elections as ein running mate. John Dramani Mahama win de 2012 Elections by a 50.7% majority for votes. automatically making am de Vice President-Elect of Ghana. Dem swear am in as president den Vice President on 7 January 2013.

Personal life

Amissah-Arthur marry to Matilda Amissah-Arthur wey dem gey two children, Kwesi, an ophthalmologist-academic den Araba, a lawyer. He bi Christian den dem know am to worship for de Calvary Methodist Church for Adabraka insyd Accra. He enjoy ein football den playing of Tennis. Due to ein love for sports especially football, he bi supporter den a major shareholder insyd de football club, de Accra Hearts of Oak S.C.

Death den state funeral

Amissah-Arthur die on 29 June 2018 for de 37 Military Hospital after dem reported say he collapse for de Air Force Gym during ein routine morning workout session. A state funeral, attend by several dignitaries, wey hold am for him on 27 July 2018 for de Accra International Conference Centre after which ein body, dem accompany am by a military cortège, wey convey am to de new Military Cemetery for Burma Camp for interment amid de sounding of de Last Post by army buglers den a 19-gun salute.

Legacy den memorial

De Ghanaian govment rename de Moree Senior High School as Amissah-Arthur Senior High School, Moree to honour ein memory. A learning centre, wey dey consist of a library den ICT complex, wey edey Ohawu insyd de Volta Region wey dem name am for ein honour. On de occasion for de first anniversary after ein death, ein family sponsore de establishment of a doctoral fellowship den research chair for de Department of Economics for de University of Ghana.

San see

• List of Mahama government ministers
• National Democratic Congress