Sekondi-Takoradi

From Wikipedia
Jump to navigation Jump to search
Sekondi-Takoradi
big city
Official nameSekondi-Takoradi Edit
Native labelSekondi-Takoradi Edit
CountryGhana Edit
Capital ofWestern Region (Ghana) Edit
Dem locate for de administrative territorial entity insideSekondi Takoradi Metropolitan District Edit
Coordinate location4°55′0″N 1°46′0″W Edit
Located in time zoneUTC±00:00 Edit
Twinned administrative bodyOakland, Boston, Plymouth Edit
Postal codeWS000–WS792 Edit
Official websitehttp://www.stma.gov.gh/stma/ Edit
Local dialing code031 Edit
Map

Sekondi-Takoradi bi a city insyd Ghana wey dey comprise de twin cities of Sekondi den Takoradi.[1] Ebi de capital of Sekondi–Takoradi Metropolitan Assembly den de Western Region of Ghana. Sekondi-Takoradi bi de region ein den largest Fante city as well as an industrial den commercial center, plus a population of 445,205 people (2012).[2] De chief industries insyd Sekondi-Takoradi bi timber, cocoa processing, plywood, shipbuilding, ein harbour den railway repair, den recently, sweet crude oil den crude oil. De fundamental job insyd Sekondi-Takoradi bi fishing.[3] Sekondi-Takoradi dey on de main railway lines to Kumasi den Accra. Ebi one of de most modern den cleanest cities insyd Ghana.

History[edit | edit source]

De Desert Air Force, 1943; Royal Air Force (RAF) airmen insyd de tropical dress work on de Allison V-1710 Aircraft engine for Tomahawk aircraft insyd a makeshift hangar. De photograph dem believe say he take am for RAF Takoradi. Sekondi, bi de older town, wey ebi a site for Dutch Fort Orange (1642) den English Fort Sekondi (1682). Dem prosper from railroad dem build insyd 1903 wey go hinterland mineral den timber resources. Takoradi bi de site for Dutch Fort Witsen (1665) den egey an important deepwater seaport, Ghana ein first, wey dem build insyd 1928.[4][5]

During World War II, RAF Takoradi bi demma important staging point for British aircraft wey dem destine for Egypt.[6] Spitfire fighter planes dem ship insyd crates from England to Takoradi where dey assemble den flow go Nigeria den Sudan go war insyd Libya. 26 Squadron SAAF bi san base insyd Takoradi during World War II, as dem fly anti-submarine den convoy protection patrols over de Atlantic. A number of South African airmen dem bury dem insyd de Takoradi European Public cemetery.[7]

Dem combine de cities insyd 1946. On 20 November 1969, de city become de seat for de Roman Catholic Diocese of Sekondi–Takoradi. Dem currently name de city (although not officially) as de Oil City of Ghana due to de massive discovery of oil insyd de Western region den gey dem attract massive migration from people all around de world.[8] For example, of de 248,680 people insyd de Sekondi-Takoradi metro area insyd 2010, some 148,000, or well above half, dem indigenous Ahanta people, 30,000 come from de Central Region of Ghana, 60,000 bi from other regions of Ghana den 10,000 bi foreign nationals.[9]

Demographics[edit | edit source]

Sekondi-Takoradi ein population bi overwhelmingly Christian. 35% of de region bi Pentecostal/Charismatic, 26% bi Protestant den 14% bi Catholic plus de remaining 12% dey comprise of numerous minor denominations. 9% of de population bi Muslim, 3.5% dey see demma self as non-religious den 0.2% practice traditional African religions. De major ethnic group find insyd Sekondi bi de Ahanta people.[10]

Culture and Tourism[edit | edit source]

Sekondi gey a rich cultural heritage, den de city bi de home give several landmarks den tourist attractions. De city ein most notable landmark bi de Sekondi European Town, wey dem build am by de British during de colonial era. De town dey features several well-preserved colonial buildings, wey dey include de Governor ein Residence, de Post Office, den de District Commissioner's Office.

Economy[edit | edit source]

Main article: Takoradi Harbour

Sekondi bi a bustling commercial center plus a thriving economy. De city ein location wey dey on de coast dey make am an essential hub give fishing den trading activities. De Sekondi Fishing Harbour bi de largest fishing port insyd Ghana den edey provide employment give thousands of people insyd de region den de country in general. De city san bi a center give de timber den cocoa industries, wey ebi de vital give de country ein economy. Takoradi dey house de Harbour den egey timber, energy den technology industries. Over de years egey attraction from plenty number of investors, wey edey include miners, as de city bi close to de mining towns insyd de western part of Ghana.[11] Ghana ein recent discovery for oil give dem Sekondi-Takoradi township bi know say ebi de Oil City.

Transportation[edit | edit source]

Sekondi bi well-connected to other parts of Ghana den ein neighboring countries through a network of roads den railways. De city ein port bi a vital transportation hub, plus several shipping lines dey provide regular services to other West African countries den Europe. De Takoradi Airport (TDI), dey locate about 5 km from Sekondi, dey provide air transportation to other parts of Ghana den international destinations. Dem gey public transport connections from Takoradi go major cities such as Accra; Kumasi; Mim; Cape Coast; Sunyani; Tamale; Tema; Ho; Wa; Bolgatanga; Elubo; Aflao; den Techiman.

Tourist attractions[edit | edit source]

Sekondi-Takoradi gey plenty beaches, however dem no sheda bi major tourist attraction. Plenty of demma beaches dey de west of Takoradi, plus small resorts such as Fant ein Folly, The Hideout, den Green Turtle Lodge plus larger ones such as Busua Beach,[12] Lou Moon Lodge den Axim Beach Resort den san gey amazing places wey people eat such as Scoops Bar, Paragon Bar den Grill. Ebi san gey an annual street carnival, wey bi popular plus tourists.[13] Dere bi san de village of Nzulezu (village on water) wey ebi a popular tourist site, insyd de Western Region.[14]

Education[edit | edit source]

Sekondi-Takoradi city gey several secondary schools, colleges, and special schools, ranging from single-sex to coeducational institutions. Among de tertiary institutions bi: Takoradi Technical University (a public institution), Nurses and Midwifery Training College, Holy Child Teachers Training College (now ebi College of Education).[15] De Sekondi-Takoradi city currently gey several secondary schools den Special schools, wey edey range from single-sex to coeducational institutions. Dese dey include:

  • St. John's School (The Saints)St. John's School, Sekondi
  • Ghana Senior High Technical School (GSTS)
  • Baidoo Bonsoe Senior High Technical School (BBSTS)
  • St Mary's Boys Senior High School
  • Takoradi Secondary School (Tadisco)
  • Methodist senior high school ( The Young legend)
  • Sekondi College (Sekco)
  • Ahantaman Senior High School
  • Fijai Secondary School
  • Adiembra Secondary School
  • Bompeh senior high technical school
  • Archbishop Porter Girls Secondary School den plenty others.[16]

Takoradi Technical Institute dey house a fab lab, dem equip am by de Massachusetts Institute of Technology (MIT), wey ebi de first insyd Africa.[17]

Takoradi gey a well-equip technical training center (Takoradi Technical Institute, TTI, 1,400 students in two shifts) assist by de German government through GTZ/GOPA. Apart from TTI, Takoradi gey a polytechnic den other renowned secondary schools wey dey include Ghana Secondary Technical School, St. Mary Secondary School, Bompeh Secondary School, Takoradi Secondary School den many others. Sekondi-Takoradi gey plenty internet cafés den computer training centers wey ego encourage familiarity plus computers den acquire computer skills.

De Western Regional Library wey dem establish am insyd Sekondi for 1955.[18]

Stadiums den sports[edit | edit source]

Stadiums[edit | edit source]

Sports[edit | edit source]

Professional sports teams base insyd Sekondi-Takoradi include:

Sister cities[edit | edit source]

  • Palermo, Italy (2021)
  • Boston, United States (2001)
  • Oakland, United States (1975)

References[edit | edit source]

  1. ↑ https://citisportsonline.com/2021/05/21/betway-extends-support-to-volleyball-teams-in-the-western-and-western-north-regions/
  2. ↑ https://web.archive.org/web/20070930155500/http://bevoelkerungsstatistik.de/wg.php?x=1170623253&men=gcis&lng=de&dat=32&geo=-85&srt=npan&col=aohdq&pt=c&va=x
  3. ↑ http://www.infoplease.com/ce6/world/A0844338.html
  4. ↑ http://www.infoplease.com/ce6/world/A0844338.html
  5. ↑ http://www.ghanaports.gov.gh/GPHA/takoradi/index.html
  6. ↑ http://www.bibliovault.org/BV.book.epl?BookId=3985
  7. ↑ http://www.southafricawargraves.org/lists/ghana.htm
  8. ↑ Obeng-Odoom F., 2014, Oiling the Urban Economy: Land, Labour, Capital, and the State in Sekondi-Takoradi, Ghana, Routledge, London
  9. ↑ http://www.statsghana.gov.gh/docfiles/2010_District_Report/Western/STMA.pdf
  10. ↑ http://www.statsghana.gov.gh/docfiles/2010_District_Report/Western/STMA.pdf
  11. ↑ http://www.ghanaports.gov.gh/GPHA/takoradi/index.html
  12. ↑ http://www.ghanaports.gov.gh/GPHA/takoradi/index.html
  13. ↑ http://ireport.cnn.com/docs/DOC-1071449
  14. ↑ https://omgvoice.com/lifestyle/nzulelu-photos/
  15. ↑ https://web.archive.org/web/20120325210700/http://www.ghanaschoolsonline.com/intermediate/shs.cfm?levelID=2
  16. ↑ https://web.archive.org/web/20120325210700/http://www.ghanaschoolsonline.com/intermediate/shs.cfm?levelID=2
  17. ↑ https://web.archive.org/web/20120325210700/http://www.ghanaschoolsonline.com/intermediate/shs.cfm?levelID=2
  18. ↑ World Guide to Libraries (25th ed.), De Gruyter Saur, 2011, ISBN 9783110230710
Dem retrieve am from "https://gpe.wikipedia.org/w/index.php?title=Sekondi-Takoradi&oldid=21526"